André het arm groot geword en dit baie moeilik gehad!  

Sy ouerhuis was vir hom net ʼn plek van onverbiddelike hartseer, verdriet en smarte!  

Sonder liefde was dit ʼn plek om van weg te kom en nooit weer na terug te keer nie!  Dit was vir hom ʼn plek om vir altyd te vergeet!  

Met die eerste geleentheid sonder om terug te kyk, het hy van sy ouerhuis in Johannesburg na Suid Wes Afrika weggeloop.

In Walvisbaai op 16 jarige ouderdom aangekom; en toe hy vir die eerste keer in sy lewe daardie klein vissersbootjies in die sons ondergang sien, raak hy toe sommer net daar smoorverlief op die see!   Dit voel toe kompleet vir hom of hy by Mooi hawens geland het!!  

Met ʼn nuwe uitkyk in die lewe, vol van durf moed en ywer, en in die hoedanigheid van ’n “galley boy” [die laagste rang op ’n vissersboot], pak hy toe die hardvogtige en veeleisende lewe van ’n visserman aan!

Hy het oor ʼn tydperk van meer as 34 jaar, en met ʼn goeie verdienste as visserman op die internasionale diepsee en kuswaters gevaar.

Gedurende 1972, op 25 jarige ouderdom, en sonder enige Kerkverband of geloof agtergrond, was André as gesoute visserman ’n kru GOD loënaar, ’n vloeker, egbreker en hoereerder gewees!

Uit gewoonte was hy by uitstek ’n leuenaar, ’n bedrieër en ’n valse getuie!   En boonop alles was hy ʼn volslae drankverslaafde onbewus daarvan dat hy ʼn goddelose heiden en ’n God verlore sondaar was!   Eenvoudig gesê: “Daar was geen goed in my gewees nie!”   (Efese. 2:11-12)  

Onder andere van al sy gruwels wat hy gedoen en beoefen het, het André reeds van kleinsaf geleer om te masturbeer [draad getrek], en wat die vrou en die detail van die vrou se liggaam betref, het hy met wellus, die vrou verafgod!  Terwyl hy dan in die verbeelding van sy gedagtes, met enige vrou homself verlustig het, het hy na hartelus en wellus gemasturbeer!   In sy hele liggaam het hy homself deur middel van masturbasie verheerlik!  “Dis mos te lekker om te masturbeer altans so dink ons en so ondervind ons dit!  In jou gedagtes kan jy mos fantaseer en hoereer met wie jy wil en die klimaks van die daad bedink en formuleer net soos jy wil!   Maar die verskriklike gevolge van hierdie onrein sonde van masturbasie* word nie mee rekenskap gehou nie!

* Andre verduidelik sy ondervinding; “Masturbasie kán vergelyk word met die onrein en ongeneeslike siekte van melaatsheid!   Met ongeneeslike melaatsheid weet jy dat jy daarvan gaan sterwe, dan is jy uiteindelik verlos van die verwerping as gevolg van die misvorming en die pyn daarvan!  Die nadeel van masturbasie egter, is die verskriklike ontnugtering, dat jy nie wil op hou om te masturbeer nie!   Want in die gedagtes van myself gesetel, is die probleem van masturbasie soos ’n ongeneeslike melaatsheid gevorm, en in die gewoonte geoefen daaraan, vind ek gedurig genot in die stimulering van my wellus!   Maar die uiteinde vanweë hierdie onrein sonde van wellus en masturbasie, is die ewige verderf!   M.A.W. Om vir ewig te brand in die poel van vuur!  

Met wedergeboorte en veroordeel deur die Heilige Gees, vind ek toe uit, dat daar ’n verskriklike en ’n ontnugterende uiteinde is wat op my wag, indien ek nie dadelik my skande bely en laat staan nie!  

Masturbasie is nie ’n sonde waarvan jy verlos moet word of verlossing kan kry nie!   Want voor GOD is dit ’n gruwelike en ’n onrein sonde van menslike wellus en genot, wat uit gewoonte beoefen word!   Lees self wat sê JESUS daarvan [van pornografie en masturbasie]:” Sê André   (Matt. 5:28-30) (Gen. 4:7b)  

Maar dank GOD vir JESUS want na wedergeboorte deur die krag van die Heilige Gees, het ek genoeg barmhartige genade en LIEFDE ontvang om my gruwelike sonde van masturbasie te bely en dit te laat staan!   Sodat ek, rein van hande en rein van hart, met vrymoedigheid voor GOD my VADER mag wandel!”   (Psalm. 24:3-6)  

Wat die belydenis van sonde egter betref?   GOD Self, sal die Predikant, Pastoor, Doktor, professor en die skrifgeleerde oordeel en veroordeel, wat uit eie terughouding, die lidmate oor die noodsaaklikheid van sondebelydenis anders wil leer of wysmaak!

André vertel verder; Teen daardie ouderdom van 25 jaar was daar deur die Satan, wat die vyand van GOD en mens is, van kleinsaf en later op see en land, genadeloos, soms feitlik tot die dood toe vele aanslae op sy lewe gemaak!

Een mistige aand soos elke ander aand, was André lekker getrek, vol van RUM.

Moeg en sat vir die lewe, ry hy op sy hoeveelste motorfiets as gevolg van vele ongelukke wat hy deurleef het, en met ’n gebreekte moeë liggaam en gatvol vir dié lewe, word hy bewus daarvan dat hy aan die einde van sy lewe gekom het.

Hy ry toe van die pad af en hou stil langs ’n straatlamp op die sypaadjie!   André klim van die motorfiets af en kniel sommer net daar langs die motorfiets op een knie onder die ligkrans van die straatlamp.  Wanhopig en onseker van homself, kyk hy op na die mistige hemel, roep uit en vra toe; “as daar ʼn GOD is, help my asseblief?”  Want sê hy toe terwyl hy onder die lamppaal op sy een knie vertoef; “die lewe wat ek ken en die lewe wat ek tans lewe wil ek nie meer lewe nie, ek is moeg en sat daarvan!”

Maar terug tussen sy vriende en sommer met die volgende bottel-RUM, het hy reeds van sy uitroep van wanhoop na GOD, vergeet.

Danksy die Vader, van onse Here Jesus Christus wat nie sy hulpgeroep van wanhopigheid vergeet of geïgnoreer het nie!

Kort na sy hulpgeroep na die hemel, wat hy alreeds vergeet het, en terwyl hy homself een aand tussen die duine van die Namib woestyn bevind het, verskyn daar met die heerlikheid van die HERE, onverwags ʼn baie vriendelike engel vanuit die hemel aan hom en die terrein word helder verlig,!

Onseker oor wat nou eintlik met hom plaasvind, behalwe dat dit ʼn Goddelike verskynsel met ʼn Bonatuurlike krag is, en hy baie vinnig vandaar af moes weghol, kon hy toe glad nie wegkom nie!

Ewe gedwee het hy homself maar oorgegee in die teenwoordigheid van GOD se vriendelike engel en sonder om die geweldige krag daarvan te besef, het hy op ʼn Goddelike wyse, onmiddellik van sy verkeerde weë tot ʼn ware bekering gekom en is hy verlos van die drank en rook gewoontes!   [Let wel en wat baie belangrik is, is die feit dat André tot bekering gekom het, maar hy is nog nie deur die Heilige Gees wedergebore nie!]

Na die verskyning van die engel van GOD aan hom, vind André homself daarna vervreemd van sy vorige leefwyse en al sy motorfiets-bende-vriende.

Dit was kompleet asof daar skielik, ʼn groot muur van skeiding tussen hulle opgerig was.  Hy kon nie terug keer na die ou lewe waaraan hy so gewoond en verknog was nie!  Tot sy kleredrag het daarna opvallend verander!

Daarna, en vir ʼn tydperk van ongeveer 6 maande het hy homself in ʼn nugter toestand van verdwaasdheid en ontsteltenis bevind, te skaam om met enige iemand daaroor te praat.  Dalk sou hulle vir hom lag.  

Want engele van GOD verskyn mos nie sommer net so aan mense nie!  Nog minder aan André wat (met die bynaam van Napoleon), ʼn visserman, straatvegter en smokkelaar is.  Met sy eie woorde het hy gesê “ek was sommer net ʼn “robbies” gewees!”

Vandag as hy terug kyk in die verlede van sy lewe, besef André, dat met die engel se verskyning aan hom, hy alreeds op 25 jarige ouderdom aan die einde van sy lewe gekom het!   Indien sy sondaars hulpgeroep na die hemel deur GOD se barmhartige genade nie verhoor was nie!  

Nietemin vervreemd van die ou sondige lewe en nog steeds oorbluf vanweë die engel se verskyning aan hom, is ʼn Ou man wat met GOD gewandel het, deur die Heilige Gees na André gestuur.  ʼn Weergebore heilige dienaar van Jesus Christus is hy wat André se pad gekruis het!  Van voorkoms en in teenstelling van die van die engel, het die ou man geen aansien van persoon gehad nie!   Hierdie ou man was van ʼn nederige voorkoms vol van die Heilige Gees en liefde!   Hy het ʼn permanente indruk van ’n heilige nederigheid op André se nietige lewe gelaat, wat vir ewig nooit vergeet sou word nie [iets wat hy later sou uitvind, ’n godsdienstige Predikant of Pastoor van die godsdienstige Kerk nooit sal hè nie, en wat nog nooit deur André by hulle opgemerk is nie]!

Hierdie beskeie en vroom ouman, het met ʼn passie begin praat en vertel van ʼn Heilige Evangelie van groot Liefde wat almal wil red en in besonders vir André!  Van ʼn Wonderlike Liewe Jesus, wat uit gehoorsaamheid aan GOD Sy Vader in die hemel, onskuldig as ʼn slagoffer van Liefde vir die vergifnis van die mens se sonde, Homself moes laat kruisig!   (Hand. 4:12)

Hy vertel hoedat Jesus deur die Heilige Gees se krag van wedergeboorte vir die wat kinderlik opreg, met die werke van hul geloof in Hom glo, binne in Sy Volmaakte Liefde, die verlossing van die ewige verderf bewerkstellig,!  

Sodat elkeen wat glo en Hom aanneem die Saligheid en die ewige lewe kan hê!   En sodoende deur die liefde van JESUS, die heerlike geborgenheid as kind van GOD die VADER deelagtig mag word!   (1Joh. 3:9 & 24b)

Hy het vertel hoe belangrik dit is om uit die werke van die geloof, deur die Heilige Gees weergebore te word om ʼn heilige tempel van GOD te wees!   Sodat die Liewe Heilige Gees kan kom inwoon en deur insig en wysheid, verborgenhede aan ons meedeel en openbaar!   (Joh. 14:16-18)

Want sê hy; “dit is die Heilige Gees wat vir ons wysheid gee en vir ons leer en lei in al die waarheid!  Dit is Hy wat vir JESUS se dissipels rig om die voorbeeld wat Hy vir ons daargestel het, na te volg, in alles wat Hy vir ons geleer het”   (Joh. 16:7-15)  

Vêrder vertel hy van die doop deur onderdompeling in water met vergifnis van sondes, wat die die ou sondige sélf natuur van die mens in die dood van Jesus aan die kruis bewerkstellig!   En die doop van die Heilige Gees wat die wedergeboorte bewerkstellig!   Sodoende word die verleibare-self volkome in Jesus gekruisig gehou!   (Rom. 6:2-23)  

Hy vertel hoe om ’n volkome, heilige lewenswandel met die VADER te bereik!   Hoe belangrik daaglikse self introspeksie en erkentlikheid teenoor die Heilige Gees is vir die heiligmaking van ’n rein hart!   Om elke dag deur middel van die Heilige Gees, vergifnis by Jesus Christus te ontvang vir verkeerde gesindhede, uitsprake, gewoontes, neigings en geaardhede!

Van GOD die Vader en Sy wonderlike Koninkryk, en nog baie ander heerlikhede en wonderlike dinge wat ons met die koms van Jesus Christus as kinders van die VADER deelagtig word; het hy vertel!

Toe André verneem van hierdie Groot en Barmhartige Genade van Liefde, en van die voorwaardes naamlik; die werke van die geloof, soos bekering van die ou weë, sondebelydenis, die doop van onderdompeling in water en die doop van die Heilige Gees, wat hom as ʼn groot sondaar wil red en verlos vanuit die kloue van die Satan se verleidende houvas op die self, en van ʼn ewige verderf.  Toe vra hierdie ouman vir hom: “Glo jy met jou hele hart in die HERE JESUS CHRISTUS die SEUN van GOD?”   Daarop roep André toe hardop uit; “ja HERE ek is ’n sondaar maar ek glo!”

Die ouman hef toe sy hoof op na die hemel met hierdie woorde: LIEWE VADER in JESUS en deur die Krag van die HEILIGE GEES dank ek U vir U groot Ontferming oor hierdie jongman, dankie vir U Barmhartige Genade en Liefde vir die redding en verlossing van hierdie jongman vanuit die mag van die bose, ek dank U vir U teenwoordigheid, vir LIEWE JESUS en vir die krag van die LIEWE HEILIGE GEES!

André was in vervoering gewees oor hierdie ouman se kinderlike opregtheid in sy gebed tot die VADER, so asof die LIEWE VADER daar teenwoordig is, toe hy skielik self, in die teenwoordigheid van die Liewe Heilige Gees kom en baie bewus word van sy sondige toestand en vir homself sien!   Onrein, en geklee in die skande van onheilighede soos GOD vir hom sien!

André, met die bynaam Napoleon, het nogal van homself baie gedink as iemand met ’n besonderse persoonlikheid; belangrik, interessant, mooi, aantreklik en nogal populêr!   Totdat hy deur die Heilige Gees homself in sy sondige toestand van versteekte gruwels en skandes voor GOD geopenbaar sien!

Op aansporing van die ouman, om rein van hart en hande voor GOD te wandel, is die openlike erkenning en die belydenis van jou sonde noodsaaklik, het hy gesê!  En sonder om te versuim, het André met groot vrymoedigheid, in skaamte en met baie trane van berou, op sy knie voor ’n Vreemde VADER wat vir hom baie liefhet, neergebuig en die gruwels van sy sonde en sy skandes in die detail uitgeroep, en in diepte uit bely, om vír ewig daarvan bevry te word!   André het in die teenwoordigheid van die “Waarheid,” sy sondeskuld erken en blootgelê!

Toe hy al sy gruwels en skandes teenoor hierdie heilige ouman in die teenwoordigheid van die Heilige Gees, by die naam en daad klaar bely het, is hy onmiddellik verlos van ʼn ontsaglike sondelas!   Dit het vir hom kompleet voorgekom asof ʼn reusagtige gewig wat met kettings op sy rug vasgebind was, deur ʼn Hoërhand van hom verwyder is!   Dit het vir hom gevoel asof hy in die lig loop nadat die sondelas van hom áf verwyder is!

Want sê hy; “met die uit-bely van sy gruwelike en skandelike sonde in die diepte, is sy passiewe gees [hart] wat aan GOD behoort en deur die werke van die sondige self binne in hom vasgevang was, onmiddellik bevry van die mag van Satan se oorheersing en onderdrukking oor die goddelose en verleibare-self!  Die sélf is deur die verleiding en die invloed van Satan; reg in die begin van die mens se ontstaan, losstaande en onafhanklik van GOD, en wil nie die HERE dien nie!   (GEN. 3:1-24)

JESUS het tien melaatse manne van hul melaatsheid genees!   Waarvan een nie skaam was oor sy verlede van melaatsheid nie, hy het met ’n dankbare hart aan JESUS erkenning en eerbetoning betuig!   Maar die ander nege melaatse manne het hulself geskaam oor hul melaatsheid van die verlede!   En vanweë hulle godsdienstige en kerklike oortuiginge, het hulle nie met ’n dankbare hart aan JESUS erkenning en eerbetoning betuig nie!

Andre sê: “Terwille van die Groot Liefde en Genade van GOD in die onskuldige JESUS vir almal!  Bely ek liewers in skaamte my sonde ’n duisend maal uit, en met my skrywe maak ek dit aan almal in die openbaar bekend!  Andere sien dit en weet dan hoe belangrik dit vir hulle is om vir hulself, sodoende ’n rein hart voor GOD te bekom!   Sodat hulle met bekering en sondebelydenis, die wedergeboorte deur die krag van die Heilige Gees deelagtig mag word!  

Graag getuig ek tot eer van JESUS, en dit is vir my ’n voorreg om aan andere te vertel wat ’n wonderwerk Hy vir my gedoen het!  Al beskaam ek myself oor my sondes, skandes en gruwels van die verlede teenoor andere!  Eerder dít, as wat Jesus en Sy engele eendag met die Wit troon oordeel, hulle sal skaam vir iemand se godsdienstige werke, wat vanuit ’n onrein hart, vol is van hul on uit-belyde sondes, net om deur die engele met oopoë en al, in die poel wat brand met vuur en swael gewerp te word!”

Daarna; en na aanleiding van sy geloof in Jesus Christus en deur die oortuiging van die Heilige Gees, is hy met die werke van sy geloof, volgens die voorbeeld van Johannes die Doper en in opdrag van Jesus, in die naam van GOD die Vader, Jesus die Seun en die Heilige Gees, (by wyse van onderdompeling) in water gedoop!

Kort nadat hy gedoop is, lees hy van die doop van die Heilige Gees [wedergeboorte]!   En op sy knieë vra hy toe vir Liewe Jesus om asseblief vir hom met die Heilige Gees te doop.  Dit is ʼn belofte vir dié wat in Jesus glo en uit die werke van hul geloof, vir Hom as die Saligmaker aanneem! (Luk. 11:13) (Hand. 2:38-39)

Kinderlik vra hy toe vir die Vader dat Hy hom genadig moet wees wanneer die Krag van die Heilige Gees oor hom sal kom, sodat hy nie dalk beswyk nie, aangesien GOD Almagtig is en hy dalk mag sterf onder die krag van die Heilige Gees.

Dit gebeur toe soos hy vra: Deur die krag van die Heilige Gees, vind hy homself in ʼn geweldige verrukking van sinne!   Dit was die Heilige Gees krag!   ʼn Helder lig en ’n Goddelike heerlikheid van Volmaakte Liefde, onbeskryflik, wat oor en deur hom gevloei het!   Vol van die heerlikheid van die Liewe Heilige Gees, hoor hy hoedat hy in ʼn vreemde taal praat, buite homself!  

Tydens die krag van die Liewe Heilige Gees se wedergeboorte, is André vir die eerste keer in sy lewe en nog steeds tot vandag toe, met ʼn oorweldigende Goddelike Liefde aangegryp!   Tot op hede (behalwe as kind en vir die liefde van ʼn hond met die naam van Rover) het André geen liefde in sy lewe geken nie!  

Met sy wedergeboorte is hy gevul met die vrug van die Heilige Gees en ontvang hy wáre Liefde wat hom wesenlik, vir ewig diep afhanklik verlief laat vir die Liefde van onse Liewe VADER!

Daarom kan hy ook nie anders as om in die lig van hierdie wonderlike Liefde te bid en te praat van LIEWE JESUS, LIEWE HEILIGE GEES en DIERBARE LIEWE VADER nie!   Want dít is die liefde wat die ALMAGTIGE, GODDELIKE DRIE-EENHEID van LIEFDE, DIE EK IS, vir elkeen van SY uitverkorenes met die vrug van die Heilige Gees inboesem!  

Met sy wedergeboorte het André sy sondige self natuur en goddelose waardes aan die kruis in JESUS afgesterf en deur die Heilige Gees, is hy met JESUS se norme en waardes van integriteit, innerlik vernuwe, wat deur die vrug van die Heilige Gees, vanuit die innerlike, van binne af manifesteer!  

So is André deur hierdie heilige ou man, ʼn “ ster” wat sy glans gee in die heerlikheid van GOD se Koninkryk, na die Here Jesus Christus toe gelei!  Hy het vir André nie gelos voordat die Heilige Gees van sy lewe besit geneem het nie!   Daarna het hy baie vriendelik gegroet en André het hiérdie ou man nooit weer gesien of van hom gehoor nie!  “Maar wát ’n heerlike en Goddelike verandering, het hý in my nietige lewe deur die Liewe Heilige Gees laat bewerkstellig;” sê André!   (Dan. 12:3) (Matt. 13: 43) (Luk. 15:7 & 10)

Sedertdien drink André nie meer RUM nie, maar hy drink met ʼn blydskap en vreugde uit die Fontein van die Ewige Lewe.   Prys die Here Jesus Christus, en vir GOD die Vader, en vir die Liewe Heilige Gees wat by ons is.   Halleluja, ja Prys Sy Naam vir hierdie Groot Liefde! (Joh. 4:14)

André het besef dat as hy daardie aand in sy dronk en verlore toestand van sonde, nie tot GOD om hulp uitgeroep het nie, dan was hy sonder die Heilige Gees se krag van wedergeboorte, in sy eie woorde spreekwoordelik in Engels gesê: ’n “has been!”

Die feit dat hy ’n sondaar is; en met die leefstyl van ’n gewoonte sondaar en hoereerder, wat nie vir hom as ’n sondaar veroordeel het nie, was dit vir hom onmoontlik gewees dat hy uit eie beweging of deur enige kerklike invloed van godsdienstige huigelary, uit die sondige wurggreep van Satan se houvas en verleiding, ooit tot bekering sou kom!

In sy nietige lewe van ’n sondige leefwyse sou hy nooit kon besef, hoe belangrik die kruisdood van Liewe Jesus vir sy bevryding van ʼn verskriklike ewige verderf is nie!  

Sonder die krag en werkende Hand van GOD se Liefde en barmhartige genade deur die Heilige Gees, sou hy as sondaar, nooit uit eie beweging hierdie groot Liefde van Jesus Christus aan die kruis, en die Ewige Saligheid deelagtig kon word nie!

En wat hy nie geweet het nie; is dat die Barmhartige en Genadige GOD onse “VADER,” se LIEFDE deur die krag van wedergeboorte, met die vrug van die HEILIGE GEES bewerkstellig word!  En dat JESUS die CHRISTUS alleenlik deur die Heilige Gees se krag van “wedergeboorte,” binne-in ons innerlike kan kom inwoon!   En so het André die WEG die WAARHEID en die LEWE na die SALIGHEID deelagtig kon word!   (Joh. 15:4-6)

Die wonderlike daarvan [naamlik wedergeboorte] is die feit dat van daardie oomblik af tot vandag toe, sy nietige lewe in die hande van ʼn Lewende GOD rus!   En verseker deur die Heilige Gees is hy vry van die ewige verderf! (Psalm. 50:15)

Maar deur die insig van die Heilige Gees, en baie teleurgestel in homself, ondervind die wedergebore André agterna, om nie op die verleibare self te vertrou nie!   Want voor die VADER wat deur die Heilige Gees, alles sien en weet, is die verleibare, leuenagtige en onreine gedagtegang van die sélf, nog steeds teenwoordig!  En bly die sélf dus ’n verleentheid te wees vir die wedergebore gees [hart] en innerlike heiligheid, reinheid en opreg eerlikheid vir die waarheid!   Daarom moet die self met heiligmaking van binne áf onderwerp en gekruisig word en gekruisig bly!  

Hy ondervind toe dat; indien die gedagtegang van die self, nie onderwerp word aan die innerlike en wedergebore gees [hart] en die insiggewende wil van die VADER wat uit die Heilige Gees afkomstig is nie, dan kan die self nie, en wil die self nie, en sal die sélf nie, vir die Here Jesus Christus lief en onderdanig wees en HOM in gehoorsaamheid dien nie!  

Maar nou erger as die selfstandige en selfgesentreerde, sondige self, ontdek hy opnuut en met groot teleurstelling in homself, die teenwoordigheid en nogal met ’n skyn van heiligheid, die ewe vroom en godsdienstige-ekself!  “Glo my vry, wat ’n verwarrende toestand van godsdienstigheid veroorsaak die kerk se godsdiens nie in ’n sondaar nie?   Veral nadat ek sopas die Evangelie van JESUS se wedergeboorte deur die Heilige Gees deelagtig geword het; sê André!  

Daarom sê André; “terwille van die Heilige Gees wie se tempel ons is, moet daar gedurige waaksaamheid, baie ernstig toegepas word, sodat hy met ’n innerlike rein hart [gees], opreg en toegewyd aan die Waarheid, in die waarheid voor GOD wandel!   En nie toelaat dat die self, deur middel van intellektualisme, demonies met ’n dooie-letter-godsdiens, godsdienstig beïnvloed word nie, en die selfbeeld vol van grootmanskap te verhef met ’n aangeleerde godsdiens nie!   (Efese. 2:1-22)

Met ’n oorgawe aan die Heilige Gees, moet die verleibare-self, elke dag, met eerlike erkenning van sonde en die belydenis daarvan, verklaar word [soos byvoorbeeld; verkeerde gesindhede, gedagtes, humeure, onverskilligheid en onverantwoordelike optredes, onreinheid, afjakke, woede, toornigheid, ydele vloekwoorde ens. ens]!   Sodoende, bly die goddelose-self en sy voëlvrye gedagtegang uiteindelik in Jesus gekruisig!"  En daarom verstaan André dit, dat vir dié rede sê Jesus: As iemand agter My aan wil kom, moet hy homself verloën en sy kruis opneem en My volg!  Nie agter die Predikant of Pastoor van die Kerk wat ’n klomp godsdienstige snert uitbraak nie! (Matt. 16:24)

Hierop aarde verteenwoordig die Heilige Gees met die vrug van Sy Liefde, GOD se Koninkryk binne in Sy wedergebore heiliges se rein harte!

Laat wees wat wil; maar met die vooraf en daaropvolgende Heilige Gees gebeure, is André vandag, die LIEWE VADER ewig dankbaar vir ’n pa wat nie met godsdienstigheid gedweep het nie!  André se pa het vir hom geen godsdiens, of godsdienstige waardes geleer nie!   Want sê hy: In die sondige wêreld het hy baie van hierdie lamsakkige, papbroekige, godsdienstige huigelaars teëgekom, wat ruggraatloos is as gevolg van hul ouers se oorgeërfde en aangeleerde godsdienstige waardes!

Van kleinsaf het hy wel waardes van sy pa geleer, onder andere om met ’n oorgawe hardwerkend te wees, nie vreesagtig te wees nie, en hoe om vir sy huis te sorg!   Sy pa was nooit tuis nie!   André en sy boeties het saans honger gaan slaap, dan hoor hy hoe sy moeder uit besorgdheid en van honger saggies ween!   Maar sê hy: “Daar was darem altyd vars groente in die huis gewees!   Dank GOD vir Portugese wat groente langs riviere plant!   Want tydens daardie jare moes ek groente steel om vir my ma en boeties te sorg!”  

En omdat hy nog klein was, was die groente te swaar om te dra, dan het hy sommer die rivier se rigting van vloei gebruik en die groente laat dryf, sodat hy die groente vorentoe naby die huis kan voorkeer en uithaal.  

André vertel hoe hy naskools, want hy was nog in standerd een gewees, vir vyf sjielings [50 sent] per week in die bloedige hitte van die son dakke moes verf om sodoende, te sorg vir sy ma en sy klein boeties!  

Daar gaan vanuit sy hart, ’n ewige dankbaarheid op na die LIEWE VADER toe, want vanaf sy eerste verdienste, het André nooit weer nodig gehad om te steel nie!   En het die VADER deur die verloop van die jare vir André met ’n onselfsugtige vergenoegdheid en genoegsaamheid geseën, om ook aan ander wat behoeftig is te gee en uit te deel!  

Daar is nog baie vanuit die verlede om te vertel, maar dit is tans van geen noemenswaardige belang nie!

Nietemin kort na die ontmoeting met die ou man en sy wedergeboorte ervaring in 1972, en nadat hy ʼn Bybel ’n 1933/53 OAV* bekom het, en dié was deur die Kerk aan hom verkoop gewees, word die Waarheid van GOD se Woord vir hom ’n trekpleister, en deur die krag en die salwing van die Liewe Heilige Gees, word alles met insig geopenbaar en Lewendig!  

* André verduidelik die volgende: “Ek dank GOD die Liewe VADER, dat die Kerk se 1982 nuwe vertaling van die Bybel wat vandag deur die Kerk in gebruik is!   Destyds nog nie beskikbaar gewees het nie!   Want die Heilige Gees se krag en salwing, met die gebruik van die 1982 vertaling, is eenvoudig nie teenwoordig nie!   En in teenstelling met die Kerk, is Islam se godsdiensbeoefening van besorgdheid en vrygewigheid uitstaande, en die Koran [die Islam se weergawe van ’n Bybel] gratis en verniet!  

Terwyl in die Kerk se bedryf van godsdiensbeoefening, is daar niks verniet nie!   En wanneer daar ’n gróót godsdienstige populis of guru van die Kerk kamtig optree, dan is jou sitplek nie eers verniet nie, en die Kerk gee ook niks weg nie, tensy iemand daarvoor betaal nie!   En soortgelyk aan Islam wat geen liefde ken nie, is daar by die Kerk se dienaars wat godsdiens vir ’n besigheid bedryf ook geen liefde teenwoordig nie, glo my vry!”  

Met die eerste geleentheid ʼn jaar later, besluit André toe om huis toe te gaan, en sy mense te vertel van hierdie Jesus en van Sy oorweldigende en wonderlike blywende Liefde, wat hom kosteloos deelagtig geword het.  Van die geheim hoe om hierdie wonderlike en verborge Liefde deelagtig te word!  Liefde wat alleenlik voortkom deur die werke van jou geloof in erkenning van JESUS, en die wedergeboorte word bewerkstellig deur die krag van die Liewe Heilige Gees!

By sy aankoms en toe sy moeder die voordeur oopmaak, was haar vriendelike tog verbaasde reaksie soos volg; “goeiemôre meneer, wat kan ek vir u doen?” Sy sien toe ʼn vreemde man met koffers op haar voorstoep staan! “Hallo ma, dis André” groet hy. Die reaksie van sy moeder en haar blydskap was oorweldigend.   Sy gryp hom vas en soen hom asof hy dalk weer kan verdwyn.  Hy moes maar gedwee oorgee aan sy moeder se emosionele vreugde en blydskap, terwyl sy uitroep my oudste seun is terug en sy dans met hom op die stoep rond!  Hy vind toe dat sy moeder en al drie sy broers reeds weergebore is!   Hy het met trane van berou, gebruik gemaak van die voorreg om met belydenis van sonde en sy ongehoorsaamheid vanuit die verlede, homself weer te versoen met sy familie!  

Veroordeel deur die Heilige Gees, het André restitusie gaan gedoen [dit was vir hom geen maklike taak gewees nie, maar die bevryding van ’n skuldige gewete vir ’n rein hart, was die loon werd]!  Aan almal wat hy deur die verloop van sy goddelose jare, met afpersing of met bedrog benadeel of beroof het, het hy by hulle om vergifnis gepleit, en aan hulle tot op die laaste sent, plus die rente daarvan met blydskap vergoed!   (Lev. 6:1-7)

André verneem toe dat daar baie verskillende Kerke en genootskappe is!   En omdat hy niks van godsdiens af weet nie, of hoe om vir GOD te dien nie, begin hy toe met ’n groot verwagting, onder hulle van die een na die ander te soek vir die teenwoordigheid van Liewe Jesus, die Liewe Heilige Gees en die Liefde!   Maar behalwe vir ʼn oordaad van skynheiligheid, hebsug en selfsugtigheid en gepaardgaande met baie vreemde dinge, verskille, gewoontes, godsdienstige rituele, verwarrings [narre op die platform], soos dit in die verskillende godsdienstige Kerke se vertolking van die Bybel voorkom, het André daarom, met groot teleurstelling tot vandag toe, nie vir Liewe Jesus, of die Liewe Heilige Gees, of enige liefde onder hierdie godsdienstige Kerke en genootskappe gevind nie!   Hulle kon maar net sowel in die Kerk "LA BAMBA" speel en Rock & Roll!”   Dit sou uiteraard vir hom nie vreemd of meer lasterlik gewees het nie: Sê André!  

Hy vind dit egter baie vreemd, wanneer alles wat hulle in die Kerk doen en aanvang, gegrond word op die Bybel en dan word alles met godsdienstigheid [Teologie] in die Naam van GOD die Vader, Jesus Christus en die Heilige Gees geregverdig!   Maar vind hy toe, dat nie EEN van die Goddelike DRIE EENHEID in hul midde teenwoordig is nie; al dink dié wat onder n valse persepsie van godsdienstigheid is, anders daaroor!   Want teenwoordig in die Kerk is godsdienstige demone wat die onheilige Predikant of Pastor met die godsdiens leuen beïnvloed, en dan word dit met skynheiligheid deur hulle gemanifesteer asof dit die waarheid is!

Hy het baie bekommerd geword toe hy vind dat hierdie nuut gevonde en Goddelike Liefde van Vrede en blydskap [die Heilige Gees] hom verlaat tydens ʼn diens van godsdiens in die Kerk!  Sodra hy die diens verlaat dan omvou die Liefde en die Vrede weer sy hart!

Wanneer hy die Predikant of die Pastoor oor hierdie vreemde verskynsel raadpleeg, tydens hul godsdiensseremonie, dan word dit ewe hoogdrawend, eenvoudig net aan ’n demonies teenwoordigheid, toegeskryf en afgemaak!  

Die teenwoordigheid van demone in die Kerk, verklaar toe vir André waarom die afwesigheid van die Heilige Gees in die Kerk!   Dus sonder die teenwoordigheid van die Liewe Heilige Gees in die Kerk, het die sout [wat die godsdiens van die Kerk is] laf geword! (Matt. 5;13)

Die gevolg was dat; terwille van die Liefde wat hy van Jesus deur die vrug van die Heilige Gees ontvang het, en nooit weer wil verloor nie, dat die Kerk nou ook vir hom ikabod [godverlate] geword het, ʼn plek om van vêraf weg te bly!

Met die verloop van tyd het hy fyn opgemerk, hoedat die vyand van GOD, die Kerklidmate op ʼn baie slinkse wyse, besluier, verlei en manipuleer met die beoefening van ’n gewoonte godsdiens! Terwyl daar sonder die Liefde en die teenwoordigheid van die Heilige Gees, in werklikheid maar net ’n godsdiens van afgodery is wat in die Kerk beoefen word.

Alles in die Kerk word kamtig in die Naam van die Goddelike Drie-Eenheid, deur die Teoloë van die kerk, Skrif korrek vanuit die Bybel beoefen!  Maar die ironie van hulle godsdiensbeoefening, is die feit dat die Heilige Gees wié Een van die GOD-Drie-Eenheid is, meedoënloos deur die Kerk weerstaan word!   En juis daarom en as gevolg van die skynheiligheid en valsheid in die Kerk, ondervind die Heilige Gees nou àl vir eeue lank, weerstand van die Kerke se godsdiensbeoefening wat vanuit onrein harte, ’n godsdiens van afgodery is!   (Matt. 15:6-9) (Tit. 1:10-16)

As gevolg van die Kerk se letter korrekte, maar ’n dooie godsdiensbeoefening, sien André teenwoordig in die hedendaagse Kerke, dieselfde Ou-Testamenties godsdienspraktyk!  Dit is ’n demoniese stryd in die Kerk, kontra JESUS se Evangelie van wedergeboorte!   Soortgelyk aan dié wat JESUS en toe later Sy apostels ondervind het met die skrifgeleerdes en Fariseërs van die Jodekerk!  Hulle het vierkantig weerstand gebied, teen JESUS se Evangelie van wedergeboorte en dit is GOD se Nuwe Hart Verbond en die Waarheid vir hulle!  

Langs die kantlyn van die verskillende en godsdienstige Kerke, het hy noukeurig daarop gelet, hoedat Sondag vir Sondag, die Predikante, in die Kerk en oor die radio, vir die lidmate gemeenskaplik, die Wet van Moses voorlees en resiteer! Hulle erken dus hul sonde skuld en gee daarvolgens hulle erkenning dat hulle voor GOD gesondig het!   Wat nie verkeerd is nie!   Dit is baie mooi om getrou jou sondige toestand te besef en jou sondeskuld te erken!   Maar wat die Kerk versuim en nalaat om te doen vir ’n rein hart, en dit sluit die Predikante en skrifgeleerdes in, vir die bevryding van ’n gewete wat getuig van sondeskuld moet daar individuele sondebelydenis gedoen word!   Want dit is die Heilige Gees wat die mens oortuig van sonde en die Heilige Gees veroordeel jou as gevolg van jou sondes!  En dit is alleenlik die Heilige Gees wat vir jou met die bloed van JESUS van sondeskuld kan bevry!  En die dienaar van JESUS teenoor wie jy sondebelydenis doen, spreek vir jou dan vry van sondeskuld!   Daarna tot  vergewing van jou sondes, moet jy in die naam van die VADER en die SEUN en die HEILIGE GEES gedoop word en julle sal die gawe van die Heilige Gees ontvang!   (Hand. 2:38-39) (Mark16:16) (Matt. 28:19-20) (Luk. 24:47-48)

Deur die insig van die Heilige Gees, sien ons dat die onskuldige JESUS, die Seun van GOD, vervloek deur die godsdienstige Jode, gekruisig is!   M.A.W. JESUS is vir die verkondiging van Sy Evangelie van wedergeboorte uit water en deur die Heilige Gees, wat ook die Evangelie vir toeganklikheid in GOD se Koninkryk is, onskuldige aan die kruis vermoor!   Sodat húlle godsdiens kan bly voortbestaan!

Maar wat die Heilige Gees daardeur vir ons met insig wysmaak en wat die Kerk nie teenstrydig kan betwis nie, is die volgende!   Die oomblik toe JESUS die Seun van GOD, vervloek deur die Jode, aan die kruis sterf, het JESUS die Joodse godsdiens en elke ander denkbare godsdiens, as vervloek en ikabod [déúr GOD verlate] afgesterf!   Vir die rede!   Want alleenlik in en deur JESUS is daar nou vir ons in GOD se koninkryk, die saligheid bewerkstellig!   En dit is GOD se Nuwe Hart Verbond vir alle mense wat glo!   (Esegiël. 36:25-27 & Esegiël. 11:19-21)   (Jer. 31:31-34 & Heb. 8:8-13) (Joh. 3:3 & 5)

Met ander woorde; die Heilige Gees bewerkstellig die Wet van die HERE, binne-in ons verstand asook binne-in ons innerlike, wedergebore hart [gees]!  En daarom leef ek nou as gevolg daarvan, vervul met die vrug van geregtigheid [dit is GOD se Wet van Liefde] wat daar is deur JESUS CHRISTUS [en Hy is die Vervulling en die einde van GOD se Ou Verbond] tot heerlikheid en lof van GOD!   HALLELUJA!   PRYS DIE HERE!   AMEN!   (Fil. 1:11)

Die geleentheid waar André wel die teenwoordigheid van Jesus en die Liewe Heilige Gees, in die samekomste van die gemeente gewaar het, en waar sy liefde en blydskap wel in sy binneste vertoef het, is daar waar ʼn paar nederige, Heilige Gees weergebore enkelinge teenwoordig was!  Met hul getuienisse tot eer van Jesus, het hulle mekaar met liefde bedien en gestig, en deur die Liewe Heilige Gees word GOD die Vader daardeur verheerlik!

Vanweë die krag van hierdie getuienisse word die magte van die duisternis daardeur weerstaan en oorwin!  Gewoonlik vertoef hy dan vir ʼn wyle totdat die Liewe Heilige Gees vir hom van daardie plek af vêrder weglei!  

Dit is gedurende daardie jare, in André se soeke na die gemaakte pad van die HERE, toe hy vanweë sy onkunde, verstrengel geraak het met ’n dooie en versmorende godsdiens van die Kerk [Die vermoë het hom ontbreek om te kan onderskei tussen, die Kerk se valse godsdiens, wat met letter korrektheid vanuit die Bybel kamma vir die waarheid aan die lidmate voorgehou word; en die Heilige Gees se werklike insiggewende en Lewendmakende Waarheid vanuit die bybel.  Die 1933/53 OAV]!  

In sy worstelstryd en sy strewe na heiligmaking oor watter een van die “twee weë” die regte een is, en as die Kerk se dooie, maar slim verwarrende godsdiens die een weg is, waar is die ander weg wat sê; om “in Gees en Waarheid met GOD te wandel;” en watter een is die regte weg wat gevolg moet word?  Want sê JESUS: “Maar soek eers die koninkryk van GOD en Sy geregtigheid...”   Wat beslis nie die Kerk is nie!   (Matt. 6:33a)

Dit is toe dat hy die woorde van Jesus toepas naamlik: “En Ek sê vir julle: Bid, en vir julle sal gegee word; soek, en julle sal vind; klop, en vir julle sal oopgemaak word.   Want elkeen wat bid, ontvang; en hy wat soek, vind; en vir hom wat klop, sal oopgemaak word.”   Eers toe het André die werklike waarde van betekenis gevind in sy soeke om in “Gees en Waarheid” met die VADER te wandel!   (Luk. 11:9-10)

Tot op hierdie stadium en in onkunde oor die Weg van Waarheid het André die wonderlike gemengel van ’n na-aper geloofslewe en ’n gebedslewe van godsdiens ondervind en gehandhaaf!  Soos byvoorbeeld die mooi godsdienstige boeke, wat deur ongenaakbare en geveinsde predikante en Pastore met ’n skyn van heiligheid geskryf is en gebede wat met hoëre woorde en ’n baie slim aangeleerde godsdiens gesout is, het hy in alle opregtheid gepraktiseer!..

Min wetende destyds dat dit maar net ’n geldmaak storie is en ’n klomp dooie godsdienstige “mumbo jumbo” woorde is wat in die binnekamer, maar net van die plafon teen die mure af “ping pong” en dat hy in werklikheid tot frustrasie van die Liewe Heilige Gees, vir die Liewe VADER onsinnig daarmee gefrustreer het!   Dank GOD vir SY liefdevolle verdraagsaamheid!  Halleluja.  Amen.

Met insig van wysheid deur die Heilige Gees, word die Weg waarop hy met GOD moet wandel, uiteindelik vir hom aangedui, en roep hy na die VADER toe uit, HERE HELP my asseblief!   Want hy skrik toe vir homself!  

André verduidelik: “Deur die insig van die Heilige Gees, sien ekself weereens my lewe soos in ’n spiéël!   En ten spyte van my opregtheid teenoor die HERE se barmhartige genade van liefde vir my!  Sit ek nou weens die na-apery van Kerk godsdiens, met ’n gees van godsdienstigheid!   Wat deur my ’n skyn van ’n godsdienstige selfbeeld, uitbeeld en dit is die gevolg van aangeleerde godsdienstige gewoontes en vormgodsdiens!   Want in die Kerk word dit as die norm veralgemeen!   Maar vir GOD die VADER dien dit ’n gruwelike en ’n aanstootlike selfbeeld van verwerplike godsdienstigheid te wees!  Met die gevolg dat ek met godsdiens en al sonder die Heilige Gees, vêr van die HERE se teenwoordigheid was, al het ek godsdienstig anders daaroor gevoel en gedink!”

Nou deur die Heilige gees se insig, is die twee weë onderskeidelik, vir hom baie duidelik uiteengesit!   Die breë weg wat reg lyk is die Kerk se weg van ’n Godlose godsdienstigheid!  Maar die einde daarvan is weë van die dood!  

Die smal Weg is egter die innerlike heiligmaking en navolging van Jesus met ’n rein hart!   En daarom is die liggaam ’n tempel van die Heilige Gees en van GOD die VADER!  

Deur SY inwonende Heilige Gees, verwag die VADER van SY wedergebore kind ín JESUS en vanuit ’n rein hart, ’n persoonlike man tot GOD verhouding!   En beslis is dit nie ’n skyn verhouding van godsdienstigheid soos wat die Kerk dit veralgemeen nie!   HALLELUJA!   PRYS DIE HERE!   AMEN!

André vertel verder dat: Gedurende een nag in sy kajuit aan boord die skip waarop hy gevaar het, het die Heilige Gees hom vanuit sy slaap opgewek om te bid en terwyl hy op sy knieë voor sy slaapbank kniel, lei die Liewe Heilige Gees vir André om te manifesteer, sodat Hy vir hom kan bevry van die mag van godsdiens, wat met die verloop van jare oor hom gepreek of geprofeteer is!  

Duidelik sien hy terwyl sy oë toe is, hoedat hy met sy hande die Kerk godsdiens [teologie], iets wat lyk en voel, so asof dit ’n taaierige, swart spinnerakke is, en waarvan hy kilometers daarvan vanuit sy geheue moes uittrek!   Maar toe hy dink dis klaar, sê die Liewe Heilige Gees vir André;  “en nou jou aangeleerde en eie persepsies van godsdiens en jou godsdienstigheid!”   En weer volg hy dieselfde prosedure van bevryding!

Uiteindelik teen dagbreek, baie moeg en uitgeput is André geheel en al gestroop van die laaste jota en titteltjie van godsdiens wat oor hóm gepreek is!   Sy eie kennis van godsdiens is uitgetrek en verwyder!  

Daarna het André baie verlig en vry gevoel!   Maar teen tienuur daardie oggend word hy baie bekommerd, want hy kon geen skrif gedeelte vanuit die Bybel resiteer of kwoteer nie!   Dit is kompleet of sy geheue van alle godsdiens skoon uitgevee is!

Met ander woorde, om vir JESUS as Sy dissipel na te volg; moes André van vooraf met ’n algehele oorgawe die self verloën en weer by die kruis begin!   GODS DANK vir die kruis as altaar!   HALLELUJA!   Van daardie oomblik af was André aan die waarheid oorgegee en het die Sagmoedige, Liewe Heilige Gees, sy lewe met ’n onbeskryflik Liefde van ontsaglikheid ingeneem!   (1Joh. 3: 24c)

Na baie jare, en terwyl hy eendag na besondere mooi musiek geluister het, wat ʼn vreemdeling [hy was ’n Jood wie se vrou wedergebore is] vir hom as geskenk gegee het, was sy verrassing groot gewees!  Want toe hoor hy weereens die vreemde taal wat die Heilige Gees tydens sy wedergeboorte soveel jare gelede deur sy mond gespreek het.  Die musiek was in die taal van “Hebreeus” gesing gewees

Sedertdien is André waarlik wedergebore, ʼn vernude mens, ʼn wedergebore dissipel en navolger van JESUS, en ʼn leerling van die Heilige Gees!   (Joh. 14:16-17 & 14:26) (Joh. 15:26) (Joh. 16:12-15) (1Kor. 2:9-16)

Hy bly steeds ʼn toegewyde dienaar en volgeling van JESUS, maar nie sonder vele stryd en beproewings nie!

André is ook blootgestel en opgelei in werkwyses en die studie van internasionale intelligensie.   Gedurende hierdie jare word hy akuut bewus van politieke en finansiële groeperinge van mag.

Maar eendag in die middel van die jaar van 1992, bo in die stuurkajuit van die skip, word André helderoordag op ʼn wonderbaarlike wyse deur die Heilige Gees oorweldig!

Terwyl die Heilige Gees se krag in en oor hom vaardig is, word die profetiese openbaringe en profesieë van die Bybel en die gebeure soos voorafgaande opgeskryf staan, in een oomblik binne-in sy gemoed, in chronologiese volgorde gerangskik en word die Waarheid daarvan, deur insig van die Heilige Gees aan hom bekendgemaak!  

Soos deur die Heilige Gees met insig geopenbaar, besef hy dat alles gedurende sy leeftyd in vervulling gebring word, en dat hy soos 1000de miljoene ander, gedurende die Groot verdrukking sal sterf vanweë die vervolginge, honger en dors.  

Dat dit moet gebeur is die voleinding van alles en dit is die volmaakte wil van onse Liewe Vader!   Juis daarom is dit vir André iets om na uit te sien, eerder as om daaroor te vrees!  

Die berusting van sy gemoed is dit: Want wanneer ons die Groot verdrukking tydperk van drie en ’n half jaar moet ingaan, en al sterf JESUS se wedergebore uitverkorenes vir ’n kort tydjie, met JESUS se wederkoms op die wolke, sal ons wel deur die Heilige Gees se lewendmakende krag, nét soos vir JESUS, weer vanuit die dood opgewek word, wanneer Sy engele ons vanuit die vier windstreke van die hemele versamel!  HALLELUJA! PRYS DIE HERE!   AMEN! (Matt. 24:29-31)

André het in ’n naggesig deur die insig van die Heilige Gees, duidelik gesien hoedat hy weer lewendig word, hoe sy liggaam, vanuit die stof van die aarde, deur die engele van JESUS saam met die ander uitverkorenes versamel word en met verheerlikte liggame verander!   (Matt. 24:29-31)

Om vir altyd daarna, salig vry te wees van alle vervolging, verdrukking, smarte, ellende en veral baie, baie, baie teleurstellings en hartseer, waarmee die vyand van GOD en mens, vir ons tot moedeloosheid probeer treiter!  HALLELUJA!   PRYS DIE HERE!  Ons SALIGMAKENDE HEILAND, vir ’n ewige bevryding daarvan!   AMEN

Duidelik sien hy deur die insig van die Heilige Gees aan hom geopenbaar; dat al hierdie veranderinge inpas met die  “Eindtyd”  profesieë van die Bybel, soos dit duidelik in die Heilige Woord aangeteken is.

NB . In 1992, is dit alles deur die Heilige Gees aan ʼn uitverkore weergebore dienaar en navolger van Jesus, met diepe insig geopenbaar!   En sy naam is nie meer Napoleon nie, maar André Wilhelmus Groenewald [ ’n visserman ].

André het sy skoolloopbaan met standerd sewe voltooi!   Dus is sy Afrikaanse taalbegrip en die gebruik daarvan maar taamlik beperk!  

In die begin van sy visserman-loopbaan was hy gereeld gekonfronteer deur ander vissermanne oor die suiwer gebruik van sy Transvaalse, Afrikaanse taal!   Hulle het byvoorbeeld gereageer met die uitsprake van: “Hey Whitey djy praat kak man!   Djou taal is blind man!   Ons kan djou taal nie verstaan nie!   Praat onse taal of praat Ingels!”

Met die gevolg dat; André die gebruik van ’n suiwer Afrikaanse taal moes inboet vir die werkende kennis van ’n visserman se vermengde taalbegrip en die gebruik daarvan!  

In die algemeen is die volle begrip van ’n visserman se taalgebruik baie goed gekruie [verkrag] met vloekwoorde!   Met die gebruik van die taal is die klem op die mees kruuste vloekwoorde denkbaar, in menseheugenis!

Die gevolg is dat oor die jare heen, het hy met baie duidelike beklemtoning van kragwoorde [vloekwoorde], die werkende kennis van ’n visserman se gekruide taal beoefen!  

Maar na sy wedergeboorte het die HEILIGE GEES egter, dit alles verander!   André is verstom oor die woorde wat die HEILIGE GEES vir hom gee om te skrywe!   Menigmaal moet hy die Afrikaanse verklarende woordeboek raadpleeg en daarin opsoek of daar so ’n woord bestaan en wat die woord werklik beteken!

Johannes op die eiland Patmos ontvang deur JESUS, insig oor die toekomstige gebeure en gee aan hom die opdrag en sê vir hom:  “Skryf die dinge op wat jy gesien het, die wat is sowel as die wat gaan gebeur.”   (Open. 1:19)

Daarom skryf André ook, want hy is georden deur die HEILIGE GEES as ’n dissipel en dienaar van JESUS, en die dwang is hom opgelê om dit aan die uitverkore Christene te verkondig!   ʼn Ontelbare skare, ʼn groot menigte van dié wat niemand kan tel nie, uit alle nasies, stamme, volke en tale is hulle afkomstig wat almal binnekort deur die Heilige Gees weergebore moet word!   Vir die uitverkorenes wat binnekort die drie en ʼn half jaar Groot verdrukking tot die dood sal verduur!   Sodat hulle hulself in die geloof kan voorberei vanweë die verskriklikheid van die drie en ʼn half jaar Groot Verdrukking wat vir ons voorlê of om daarin te sterf of daardeur te volhard tot die einde toe!   (Matt. 24:29-31) (Open. 7:9)

Om JESUS se Evangelie van wedergeboorte  “uit water en deur die Heilige Gees”  te bekragtig, moes JESUS in gehoorsaamheid aan die will van Sy VADER, Sy lewe neerlê, en daarom is Hy aan die kruis vermoor!  Want JESUS se Evangelie van wedergeboorte uit water en die Heilige Gees, is ook GOD die VADER se EVANGELIE van ’n NUWE HART VERBOND!  ’n Heilige Gees VERNUDE LEWE, is nodig vir toeganklikheid en burgerskap in GOD se koninkryk, en daarom is dit ook die EVANGELIE van GOD se koninkryk!  

André, en elke ander, mede Heilige Gees wedergebore dienaar van Jesus, is verantwoordelik aan die VADER en daarom dien ons alleenlik onder die Gesag van die Heilige Gees!   Ja, ons is gesamentlik stryders vir die Waarheid oor JESUS se Evangelie van wedergeboorte uit water en die Heilige Gees!  Vir JESUS is ons vreeslose rigters [dissipels, dienaars en navolgers van JESUS], bloed gewaste burgers in die Koninkryk van GOD.  Om die wat nie wedergebore is nie, met liefde, gratis te rig tot redding!   En die wedergebore uitverkorenes te rig om te volhard tot die einde toe!  Want daar is nog net beseringstyd vir ons oor!  Naamlik, die Groot-verdrukking wat op ons wag!

Weë tog diegene wat uit die werke van die geloof in Jesus, nie deur die Heilige Gees weergebore is nie en verlore gaan!  Dit is húlle wat ten koste van JESUS se Evangelie van wedergeboorte, hulleself met die Ou-Testamentiese en Joodse-godsdiens wil regverdig!  Wat deur die Kerk omskryf, onderhou en voltyds gehandhaaf word [naamlik die werke van die Wet]!  Maar hierdie Groot Liefde en die Waarheid van wedergeboorte deur die krag van die Heilige Gees, vir ’n NUWE HART LEWE, word deur hulle nie ingesien en aangeneem om gered te word nie!

Die insig van hierdie openbaringe, is deur die Heilige Gees en deur die Liefde van die Woord as ʼn vingerwysing vir die uitverkorenes van Jesus Christus gegee!  ʼn Vingerwysing is dit van alles wat binnekort met die huidige geslag moet gebeur!

Vir JESUS se Evangelie van wedergeboorte is ons oorgegee aan diensbaarheid!  

Indien ons in die teenwoordigheid van die Liewe Heilige Gees, en vir die versekering van u saligheid, enigsins ondersteunend mag wees, sodat u ’n toegewyde, wedergebore dissipel en navolger van JESUS mag word!   Dan is ons, met die Heilige Gees se voorbehoudsbepaling van dissipelskap, tot u beskikking!  

Die koste van jou dissipelskap binne-in die Christen-liggaam van JESUS, is reeds deur JESUS vooraf met Sy bloed betaal!   Met ander woorde, daar is geen kostes aan verbonde nie!  

Ons is wedergebore dissipels en navolgers van JESUS!   En daarom is ons onbaatsugtige tyd gratis!     PRYS DIE HERE!  

Neem gerus met vrymoedigheid die geleentheid aan, en kontak ons vir hulp!

André Wilhelmus Groenewald.

Selfoon.              0824933086

Landlyn.             0123764157

e-pos.                laasteweek@gmail.com

webwerf.              www.laasteweek.co.za

website.             www.lastweek.co.za

NB :   Hierdie dokument is nie volledig nie en word dus deur die Heilige Gees se insig van wysheid en openbaarmaking oor die WAARHEID, konstant en waar toepaslik, bygevoeg en aangevul!